الجمعة، أغسطس 20

ياخي حِسّ !!


هذا هو الي تبيه؟
هذا هو الي تبيه وتبي ترسِّيني عليه؟!

إنك ترحل عن عيوني وتشغل جفوني بليه؟


ياخي هذا كلام ؟
إني أتعب كل ليلة؟
واجمع كل قلق عمري وما أنام ؟؟


بس خلاص!
هذا هو الي تبيه؟
هذا هو الي تبيه وتبي ترسِّيني عليه؟!

زين لحظة!


لسألوني همومي وينك؟
وإن درو سنين هجرك لِـ عيوني هي هذي سنينك!

ياخي قلّي واش اقول؟؟!

قول قول ..

قول قول ..

الله يخرب بيت بيتك!

توني يا دوبي غفيت!
غالبت أحزاني وغفيت!
ويالله يادوبي بديت ..
توني بأطراف البداية..
فجأة بلحظتي فزّيت!


ياخي حسّ !!
والله عيب الي تسويه!
إنك ترحل عن عيوني وتشغل جفوني بليه!


لا قربك عيد وضّوك قمر .. ولا حنانك طيب وإحسانك وُفا
صديت بظهري لآلام العمر .. ليش تنثرها على أوقات الصفا ؟
يجي منك أكثر و آهٍ يالقهر .. دايم مهاجرني وكِلن غاب وغفا
أبقى أجمع كل آهاتي بالسهر .. ولا انتظر من ورا وصلك دِفا
يزيد صدك وأزيد جرعات الصبر .. ولّا جرحي مايرتجي منك شِفا
ولاّ أنا كأني بحر كُبر البحر .. من تشوفه تلقى ولع همّك طفا
فيني والله نودةٍ مامنها مفر .. ليه يا القاسي تعنّيني .. أفا


هذا هو الي تبيه؟
هذا هو الي تبيه وتبي ترسِّيني عليه؟!

إنك ترحل عن عيوني وتشغل جفوني بليه!


وين أروح ؟ شلون أداوي جرحي المذبوح؟؟ و أبوح ؟

هذا هو الي تبيه؟؟!





كتبتها بعد نزاع وصراع مع مايسمى سلطان النوم [القاسي جداً عليّ]
تحاكي قصيدة المبدع الكبير سالم سيار [ ليـــه؟ ]


الأربعاء
٢٣ شعبان

ليست هناك تعليقات:

إرسال تعليق