جـ ر حـ تـ كـ ؟!!

جرحتك؟!

أدري جرحتك.. وإنت بدال الجرح مليوووون..

أدري ذبحتك.. وإنت ياذباح..

ذبحت الروح.. وأشعلت الجروح..

وخنت..

ومع كل ذا.. جرحتك.. وعمر الجرح مايهون!!

جرحتك؟!

بربك جرحتك؟!

إذا أني جرحتك.. فأنا جنبك بالحيييييل وافي وحنون..

جرحتك؟!

تدري آلمني جرحك!

وكاهي الدموع.. مازلتْ وسط الدمع مدفون..

ماأبكي لأني جرحتك لا..

أبكي لأني حتى بالجرح مغبون!!

أبكي لأني للأسف حبيت..

للأسف أعطيت..

ولأن حظي بالألم مرهون..

أبكي الوفا اللي ضاع.. أبكي قلبي المرتاع..

أبكي قربك.. أبكي بُعدك.. أبكي آلامي من َبعدك..

أبكي روحي المخدوعة.. أبكي صرختي المسموعة..

سمعها كل الناس في عيوني.. 

يلوموني..

يلوموني فيك.. وصمتي الرد الحاسم..

إنت تدري لو حكيت.. 

كانو اشنقوك..

كانو من قهرهم عذبوك.. وبدون رحمة كانو موتوك..

لكن..

صمتي عجز صابر.. 

يلوموني وصابر..

يلوموني واصبر..

يلوموني.. ولا يلوموك علي ماتهون..

تدري ليش أبكي ؟!!

أبكي لأنك غلا عمري.. أبكي لأني ّأحبك..

أبكي لأنك ساكنٍ فيني..

أبكي لأن جرحي جرح روحي قبل يوصّلك..

أبكي لأني..

جـ ر حـ تـ كــ !!